حومة البلوغسفير... مسلسل افتراضي، تقع احداثه في أحد الاحياء الشعبية الكائنة بإحدى المدن التونسية (على الأغلب في العاصمة، لكن لن يتم التطرق لهذه المسألة)

الفكرة كانت وليدة دردشة افتراضية جمعتني ببعض المدونين التونسيين... وحتى يكون لقيصر مال قيصر، الفكرة الأولى كانت فكرة قاسم إلا انو التوجه اللي كان يحب يمشي بيه في النسق متاع الاحداث كان صعيب شوية (بلغة اخرى، متاع مشاكل)... طرحت الفكرة على بعض المدونين، الجميع ابدى تأييدو و تحمسو للفكرة و استعدادو للمساعدة... قمت بتوزيع الادوار و الشخصيات (بشكل اعتباطي، حتى لا يكون تدخل البعض فيه نية للوصول بمسار الأحداث إلى نهاية معينة) و قمنا فيما بعد بوضع الخطوط العرضة لمعظم الأحداث، و اقترح عليّّ بش نقوم بصياغة الأحداث بأسلوبي (اللي إن شاء الله يعجبكم) على ان تكون الحلقات جاهزة للنشر تزامنا مع بداية شهر رمضان...

فقط للتأكيد، جميع احداث هذا المسلسل هي من نسج الخيال... تم التعامل مع الأبطال على أساس الشخصيات التدوينية متاعهم... أي تشابه بين الأحداث اللي بش توقع في المسلسل و الواقع (حتى و إن كان مقصودا) فهو من قبيل الصدفة لا غير...

نلتقي مع تقديم مفصل للأحداث و الشخصيات قبل رمضان إن شاء الله


تعليق أرابيـكا

بالتوفيق انشاء الله
أكيد سوف نستمتع بمسلسل رائع كما هي حال كتاباتك دائما يا برباش



تعليق mariouma

3ejbetni barcha elfamilia mte3i ou darna zeda
heni nestana fel be9i ;)))



تعليق Sonya

حلوة الفكرة
يعطيك الصحّة



تعليق chanfara

أوووووو

وحدك يا برباش

هاني نستنا بالدقيقة و الدرج في المسلسل

أما سؤال قداش فيه من حلقة 15 ولا 29؟



تعليق As de coeur

J'aime bien ma famille moi aussi... j'adore l'idée, juste il faut signaler l'as de coeur ou l'as number one au lieu de Asma



تعليق Tarek طارق

لميتنا الزوفرة الكل في عيلة العدول؟!! بش نهدوها على روسنا...

هههههه

أما كيما قتلك هذا مشروع رايع في شكل صوتي زادة على رديون



تعليق khayati

فكرة باهية وحلوة وتشد على شرط تكون شوية منطقية ومعقولة والمنطق والعقل ما يقتلوش الخيال، بل يعطوه مصداقية...
مبروك وهانا نستنى في الساحة موش في الدورة,,,
ملاحظة: علاش ما ثماش عاشور الناجي وإكسترافاقنسا ومصير وصحفي تونسي...



تعليق Wanted

هذا باش يطيّح على مسلسل نور !!
هههههه



تعليق romdhane

فكرة رائعة
بالتوفيق



تعليق abunadem

نحبوه مسلسل ما يوفاش فيه 365 حلقة كيما المسلسلات الجديدة .اما كا تربطهانه برمضان راك باش تولي كي تونس 7



تعليق SAFOne

wa7dek ya barbach :D



تعليق Hamadi

bonne idée ca changera les idées par rapport à la production televisée nationale :p ca posera les problemes d'un autre point de vue. Trapboy dans la famille de l'enseignant ca m'a plu mais la famille de "El hareb" est le must :p



تعليق SAFOne

barbach...machilna lien lél flux rss béch ntabb3ou él mitsalsil 3la 9a3da :D



تعليق البرباش

@ أرابيكا، مريومة، سنية: (بنفس الترتيب) شكرا ليكم

@ الشنفرة: خويا العزيز... 15 حلقة اكهو

@ اللص ديناري: اتصلحت، شكرا ع التذكير... كان سهوا

@ طارق: القرعة حكمت... تو نشوفوا حكاية الرديون، نبداو بتجربة و لو كان نجحت علاش لا

@ الخياطي: يعطيك الصحة، اما الحكاية لا عقل و لا خيال، اتنجم تقول تبربيش و اكهو، نقطة و أرجع للسطر... معناها ما تستناش منها رميان معنى أو أي صلة بالواقع (أو الخيال حتى)
هاك تستنى، غير ما تفدّش برك
بالنسبة لجماعة لا دين لا ملة اللي حكيت عليهم(غير اللي ما حكيتش)، ياخي ملزومين علينا في كل محضر يحضروا...
اكسترافاقنسا (اللي هو بيغ تراب بوي) موجود في عايلة براستوس المعلّم... مصير بش يكونلها حضور زاده في المسلسل... البقية ما ظاهرلي

@ وانتد: تحبشي تكون انتي مهند؟ ههههه

@ رمضان، أبو ناظم، صفوان: مشكورين

@ حمادي: كيف ما قلت قبولي لطارق، القرعة حكمت... و بالنسبة لعايلة الهارب، قاسم حبينا او كرهنا فهو مدون، و اللي ما يعرفش قاسم (و ما طارتلوش منو) ما يتسماش مدون

@ صفوان: الله يبارك، في أقرب فرصة إن شاء الله



تعليق khayati

حتى من جهة الدراما، من تعتبرهم "لا دين لا ملة" اللي ما تحبهمش، عندهم دور في تطور الأحداث إذا كنت ترغب في كتابة شيء مقنع لا أعني بيه رميان المعنى... خلاف ذلك، المسلسل يولي كيف "حومة وحكايات" وكأنك يابدر لا رحت ولا جيت... "فازة" وارجع للسطر.



تعليق البرباش

@ الخياطي: موش حكاية اني نحبهم أو ما نحبهمش، الشي هذاكه ما يبدل شي (من ناحيتي و من ناحيتهم نتصور زادة، و موش نتصور بل متاكد) بل بالعكس تربطني بالعديد (و إلا خلي نقول البعض بش نقول واقعي شوية) منهم علاقات أعتبرها صداقة اعتز بها

لا نرغب (و نأكد على صيغة الجمع بين قوسين) في كتابة شيء مقنع كان بش ننظروا للمفهوم متاع القناعة من وجهة النظر اللي تحب تفرضها، قلتلك قبل راهي الحكاية ما تتعداش كونها تبربيش في تبربيش

فرصة بش نذكرك أنو المسلسل بش يكون كيف "حومة وحكايات" يعني و كأنك يا بدر لا رحت ولا جيت (ذكرتني بواحد اسمو بدر عندو مدة ريحتو ما ثماش) يعني ما نتصورش بش يقنعك...

حتى من جهة الدراما، الحضور الضيق متاع الجماعة هذوكة، بش يكون في إطار أضيق هو متاع المدونين اللي نعرفهم و يعرفوني و اللي نقرالهم و يقراولي،

ما نحبش ندخل المداخل هذي يعيش خويا... أخطاني يرحم بوك

هاك رجّعت فازتك... كمّل في الطويل، من غير ما ترجع للسطر



تعليق eddou3aji

ههههههه آهي باش تحفل في رمضان... شكرا كي تفكّرتني مع الشّلّة الباهية هاذي و برّا ربّي معاك...حقّا وينو الكاشي هههههه



تعليق 3amrouch

برباش
ملا طلعة
نجمش نعرف شكونو المجهول في عائلة الشيخ؟ ههههه
زعمة سر؟ ولا لب المسلسل غادي؟
باهي التشويق



تعليق البرباش

@ الدوعاجي: لا شكر على واجب، و يجي منو ننساك خويا العزيز... تو هذا كلام بالله

@ عمروش: ماهوش مجهول يا عمروش، هذيكة مرت العطار على اساس انها متوفية لا غير... لا سر و لا لب (ياخي هي كعبة برقدان؟؟)



تعليق Infinity

Ma maison est toujours en chantier .. mais je passerais vous rendre visite :) excellente idée .. j'ai hate de vous lire